Татышлы ёросын арлыдоослы концерт возьматӥзы

Залэ люкаськем калыкез ӟечкыласа вераськиз Татышлы ёрос администрациен кивалтӥсьлэсь ужзэ быдэсъясь Р. Н. Магзумов. Со «Я люблю тебя, жизнь» конкурсын вормисьёсты Фарит Зиянгировез но Гульфина Ильтимироваез данъяз. Та нуналэ сцена вылын культура юртын ужасьёс гинэ ӧвӧл, арлыдоос но кырӟазы-эктӥзы. Со сяна, концертэз «Красотки элегантного возраста» конкурсэ пыриськисьёс шулдыртӥзы. Со но та нуналэ ик радъяськиз угось. Отчы удмурт гуртъёсысь нылкышноос но пыриськизы. Быгатонлыксэс возьматӥзы Калмиярысь Ираида Шайсламова, Вязовкаысь Валентина Хайруллина, Улысь Балтачысь Роза Шаймиева но Бальзюгаысь Светлана Сабанчина. Конкурслэсь гран-призэ С. Сабанчина басьтӥз.

Конкурс сярысь газетмылэн вуоно номеръёсысьтыз пыр-почгес лыдӟе.  

Фото: МБУК МКДЦ Татышлинский район РБ