Андреевкаысь «Зангари» ансамбль бускельёссы доры куное вуылӥз

Ужрадын бигер калык сиёнэз данъязы. Зэм, туннэ сое пӧртэм калыкъёс пыжо ни. Андреевкаын но со ӝӧк вылазы ӵемысь луэ. Угось татын кемалась дырысен бигеръёс но удмуртъёс эшъяськыса уло.

Югамашын пумиськонзы бадӟым эшъяськон праздниклы пӧрмиз. Татысь ӝӧк вылын пӧртэм калык сиён-юонъёс кузёяськизы, нош сцена вылысен бигер, удмурт но мукет кырӟан гуръёс чузъяськизы.