Ваньмон дырзэс пайдаё ортчытӥзы

Проект йылпумъяськиз ке но, арлыдоосын ужан ёросын али но мынэ. Пенсионеръёс ӵошен ортчоно ужрадъёсы шумпотыса пырисько. Кылсярысь, Бадӟым Туганеевоын улӥсьёсты арнялы быдэ сямен кыӵе ке но ужрадысь пумитаны луэ. Алигес соос кагазлэсь пуныса пӧртэм арбериос лэсьтыны дышетскизы. Мастер-классэз радъяз кибашлы кышномурт Венера Минкайдарова. Проект улсын Бадӟым Туганеевоын арлыдоосын ужась Ольга Диязова аслаз вотэс бамаз гожтэ, мастер-классэ лыктэмъёсты Венера Владимировна вазаос, тусьты-пуньыос, подставкаос лэсьтыны дышетӥз шуыса. Киужъёсссы сьӧрын кышномуртъёс сюлмысь вераськизы, улонысьтызы тунсыко учыръёссэс тодазы вайыса серекъязы. Со сяна, удмурт, ӟуч кырӟанъёс чузъяськизы.

Фото: соцсети Ольга Диязова