Школаын шаермылэн ортчем сюресэз сярысь вераськизы

Янаул ёросысь Шудекысь школаын 4-тӥ классын дышетскисьёс понна Россилэн кунлыкезлы сӥзем ужрад ортчиз. Сое дасяз но радъяз школаысь директорлэн советникез Елена Шайдуллина. Нылпиос вордскем шаер, пӧртэм калыкъёс но соослэн тупаса улэмзы сярысь вераськизы. Со сяна, нылъёс но пиос коллаж лэсьтӥзы. Сое «Одна страна – одна Россия» нимазы. Ужазы пиналъёс шаермылэсь достопримечательностьёссэ, тодмо адямиоссэ, историын валтӥсь инты басьтӥсь лыдпусъёсты возьматӥзы, калыкъёслэсь лулчеберетсэс быгатыса адӟытӥзы. Соос огмалпанэ вуизы: тупаса улӥськом, шаермес данъяськом шуыса.

Озьы ик кунмы сярысь вераськизы 6-8-тӥ классъёс но. Соос «Знание» - «ДНК России» быдэсросси огазеяськонлэсь шаермылы сӥзем роликсэ учкизы.

Фото: МБОУ ООШ с.Шудек