+28 °С
Облачно
Общество
24 Сентября 2024, 16:54
Историяя но шаертодонъя музейын суредъёсын адӟытон ужа
Янаулысь историяя но шаертодонъя музейын Рамиз Султанахметовлэн «Любимые пейзажи родного края» адӟытонэз усьтӥськиз.
Историяя но шаертодонъя музейын суредъёсын адӟытон ужа
Отын суредасьлэн пӧртэм амалъёсын лэсьтэм 60 ужез возьматэмын. Соос пӧлысь тросэз инкуазьлы сӥземын.
Адӟытонэз усьтонэ Рамиз Миншариповичлэн тодмоосыз, солэсь творчествозэ гажась адямиос люкаськизы. «Творчество мынэсьтым лулме буйгатэ, кужым сётэ», - вераз суредась.
Рамиз Султанахметовлэн адӟытонэз Искусствоя нылпи школаысь суредаськонъя ёзэтлэсь 35 ар ӵоже азинскемзэ возьматэ. Рамиз Миншарипович сое кылдытонэ бадӟым люкет пыртӥз. Адӟытоназ со татын дышетскем пиналъёсызлэсь портретъёссэс но возьматыны тыршиз.
