+22 °С
Зоръёслэн
Общество
23 Куарусён 2024, 10:38
Удмуртъёслэн ужрадзы Приволжск федерал округысь устоосыз проектъёс пӧлы шедиз
19-21-тӥ куарусёнэ Марий Элын Russian Event Awards калыккуспо премилэн Приволжск федерал округъя финалэз ортчиз.
Удмуртъёслэн ужрадзы Приволжск федерал округысь устоосыз проектъёс пӧлы шедиз
Отчы Приволжск федерал оругысь 12 регионъёс пыриськизы. Соос туризмен герӟаськем проектъёссэс утизы. Шумпотоно, финалын возьматэм 178 проектъёс пӧлын удмуртъёслэн ужрадзы но луиз шуыса.
Конкурсэ Янаул ёросысь Вуж Вараш но Шудек гурт поселениослэн администрациосынызы кивалтӥсьёс Эльза Минликузина но Сергей Байдуллин, Ижевскысь Камсьӧр удмуртъёслэн огазеяськонэнызы кивалтӥсь Флюра Чибышева вуылӥзы. Соос «Шагаем по России. Всероссийское движение удмуртов. Всероссийский фольклорный фестиваль «Древние напевы удмуртов «Чакара» проектсэс утизы. Соослэсь ужзэс «Лучшее этнокультурное событие» номинациын куинетӥ интыен дунъязы. Табере "Чакара" фестиваль сярысь шуркынмон толэзе Нижний Новгородын конкурслэн финалаз вераськозы.
