Нылкышноос зарни сӥзьылэз данъязы

Нош кылем арняын соос ӵошен шулдыръяськыны люкаськизы. Удмуртъёслэн историяя но культурая центрзы бордысь нылкышноослэн клубзылэн Бальзюгаысь ёзэтэныз кивалтӥсь Светлана Сабанчина татын «Зарни сӥзьыл» пумиськон ортчытӥз. Отчы ёросысь Петропавловкаысь, Улысь Балтачысь, Кызыл-Ярысь нылкышнооос люкаськизы. Соос зарни сӥзьылэз данъяса кырӟазы но эктӥзы, кылбуръёс веразы, пӧртэм удмурт калык шудонъёсын шудӥзы.

Вераны кулэ, бальзюгаос туэ «Трезвое село» республика конкурслэн муниципал этапаз пырисько. Соин матысь дыре татын трос пӧртэм ужрадъёс ортчозы. «Зарни сӥзьыл» -  соос пӧлысь одӥгез.