Экскурсие – Уразгильдыысь школае

- Школаын милемыз шуныт пумитазы. Историен дышетӥсь Наталья Андреевна Гарифуллина школа, отысь музей, гуртсы сярысь мадиз. Таӵе экскурсиос ёросмы сярысь выль тодон-валан басьтыны юртто, ёросысь гуртъёсты «усьто». Озьы вордскем шаерен данъяськон, сое гажан мылкыд будэ, - шуо экскурсие ветлэм пиналъёс.

Уразгильды школалэн музеез куноос понна ӧсъёссэ усьтэм 1976-тӥ арын. Нош музеез кылдытон ужъёс 1960-тӥ аръёсы Уразгильдыысь дышетӥсь Фатих Гаянович Сагадиев кивалтэм улсын кутскемын. 1981-тӥ арын Татышлы ёросысь школьной музейёс пӧлын нырысетӥ луыса, паспорт басьтэменыз висъяськем но нимыз котыр ёросэ вӧлмем. Со дырысен школаысь музей ужзэ азинтэ. Отын трос экспонатъёс утисько, Соос удмурт калыклэсь этнографизэ но гуртлэсь, калыклэсь узыр историзэс яркыт возьмато. Инкуазьлы сӥзем экспонатъёс но вань.

Музейын пӧртэм предметъёсъя урокъёс но экскурсиос ӵем ортчыло. Внеурочной ужын, проектно-исследовательской ужъёс бордын ужаны но музей пиналъёслы туж юрттэ.

Фото: МБОУ СОШ с. Кальтяево Татышлинского района РБ