Башкириын патриотической слёт ортчиз

Алигес отын «Территория героев» патриотической слёт ортчиз. Ужрад «Территория счастья» благотворительной фондлэн попечительской кенешеныз кивалтӥсьлэн К. В. Хабировалэн кичӧлтэмез улсын ортчиз. Отчы Нефтекамскысь реабилитацияя центрлэн Татышлы ёросысь филиалаз ветлӥсь пиос но пыриськизы. Слётын пӧртэм мастер-классъёс, экскурсиос луизы, адӟытонъёс но крезьгуро представлениос радъямын вал. Со сяна, ужрадэ лыктэмъёс тодмо адямиосын пумиськылӥзы, авиашоу учкизы.  

Татышлыос Эльмир Галиахметов но Альмир Юнусов интерактивной площадкаосы мыло-кыдо пыриськизы: «Открытый диалог» улсын ужрадэ вуэмъёсын Эльбрус Нигматуллин, Оскар Ситдиков, Богдан Мозговой но Радий Хабиров пумиськизы. Регионэн кивалтӥсьлы А. Юнусов азьпаласен юанзэ сётӥз. Со Башкортостанлэн тӧроезлэн пичи дырысь малпанъёсыныз, тунсыкъяськонъёсыныз герӟаськемын вал. Радий Фаритович солы паськыт, мур пуштросо валэктон сётӥз.

Фото: Филиал реабилитации с.Верхние Татышлы