«КУ!ЕДА» фестиваль калыкез люказ

Ужрадъёс котырысь трос калыкез люказы: кин ке будэтэм емышъёсыныз вузкарыны, кин ке ческыт но таза сиёнэз басьтыны, нош кин ке шулдыръяськыны, шутэтскыны но вакытсэ пайдаен ортчытыны татчы вуиз.

Люкаськем калыкез пумитаса но фестивалез усьтыса Куеда ёрослэн администрациеныз кивалтӥсезлэн воштӥсез П.В. Коноплев, ёросысь Думалэн тӧроезлэн воштӥсез И.В. Колегов но Кышномуртъёслэн кенешсылэн кивалтӥсез В.Н. Трандина вераськизы.

Фестивале пыриськисьёс «Быка за рога», «Мистер гребешок-2024», «Модная гусыня» конкурсъёсы пыриськыны быгатӥзы. Нош семьяос но егитъёс «Кукурузная нора-2024» чемпионатын кужымзэс мертазы. Озьы ик ужрадын пӧртэм тунсыко интерактивной площадкаос ужазы.Кылсярысь, арбузлы сӥзем сэрегын «Волшебные семечки арбуза» викторина радъяськиз. Нош мылкыд карисьёс татын шашкиен шудӥзы, арбузэс пӧртэм ласянь вандылыса олома но пӧрмытъязы. «Семейный амбарчик» площадкаын калыклы гурт хозяйствоен герӟаськем йылолъёсын тодматӥзы. Со сяна, татчы вуэмъёс асьсэ киосынызы ю тысез пызьлы пӧрмытӥзы. «Куеда мастеровая» фестивале пыриськисьёсты вашкала дырысен туала улонозь вуэм калыклэн киужъёсыныз тодматӥз. «Лошадиные истории» клуб но фестивале пыриськиз. Татын люкаськем калык вал вордон но утён дуннее выжиз, «Достижения конезавода» адӟытон пыр та ужлэсь секытъёссэ но шумпотонъёссэ адӟиз.

Фестиваль «КУ!ЕДА» калык понна йылоллы пӧрмиз. Угось татчы Куеда ёросысь гинэ ӧвӧл, мукет палась но вуо. Кылсярысь, туннэ ортчем ужрадэ Татышлы ёросысь Вылысь Татышлыысь, Удмурт Элькунысь Воткинск городысь, Пермь шаерысь Кунгурысь но  Чернушкаысь куноос лыктэмын вал.

Фото: Старошагиртский дом культуры