Бадӟым Качакын Спартакиада ортчиз

Толэз потыны пудоослы турын дасямын, бакча ужъёс йылпумъяськемын, гурт калык качпи шокчыса шутэтскыны но быгатэ ини. Соин Бадӟым Качак школаысь физкультурая дышетӥсьлэн Г.Ю. Тимирбаевлэн кичӧлтэмезлы гуртысь арлыдоос шумпотыса вазиськизы. Вакчи вакыт куспын гуртысь ньыль команда люкаськиз но, арессы шоры учкытэк, асьсэлэсь бызьылыны но тэтчаны, шудыны но малпаськыны быгатэмзэс усто возьматӥзы. Спорт ужрадэ пыриськисьёс шашкиен шудонын, баскетбол тупез сеткае лэзянын, 30 метрез бызьылонын, дартсын но эстафетаын кужымзэс мертазы. Спартакиадалэн йылпумъянъёсызъя, нырысетӥ интые Уллапал урамысь команда нырысетӥ интые потӥз, нош выльурамъёс кыкетӥ интылы кузё луизы, Шуртыпал урамысь спортсменъёс – куинетӥ интылы. Шудонын Ваннапал урамысь команда ньылетӥ интые кылиз. Озьы ке но, нокинлэн но мылкыдыз ӧз усьы. Угось Спартакиадае арлыдоос ог-огенызы шутэтскон вылысь пыриськизы. Берло командаос ческыт пыжиськемъёсын чай юыса, вераськыса но серекъяса гань-гань  шутэтскизы.