Арган куара бусые кисьтӥськиз

Совето Союз вакытъёсы культура удысын тыршисьёс ӵем гинэ бусыын, фермаын ужась калык доры концертэн вуылӥзы. Та выллем ужан амалъёс калыклэсь мылкыдзэ ӝутыны быгатӥзы, секыт ужазы яркыт буёлъёс пыртӥзы.

Туннэ нуналэ но гуртъёсысь фольклор ансамбльёс бусыосы концертэн потало. Кылсярысь, та нуналъёсы Янаул ёросысь Барабановкаысь «Азвесь гур» ансамбльысь кышномуртъёс «АгроМ» ООО-ысь ю тысь октӥсьёслэсь мылкыдзэс ӝутӥзы. Паськыт бусыосы, вуэм ю-нянез данъяса, шулдыр арган куара кисьтӥськиз. Омыр соку ик капчи мылкыдэн но шумпотонэн пачылмиз.

Фото: Барабановский СК

Автор:Венера Ильбаева

Читайте нас

Партнеры