Юрттэт бадӟым оскон сётэ

Кылсярысь, Калтасы ёросысь Краснохолмскийысь кыкетӥ номеро школаысь ньылетӥ классын дышетскись нылпиос нимысьтыз военной операцие пыриськисьёслы гуманитарной юрттэт нырысьсэ уг люкало. Кык ар ӵоже, соослэн тыршеменызы, ожгарчиос доры лыдъянтэм шуныт дӥськутъёс, эмъюмъёс, астэ утялтон макеос но ческыт сиён-юонъёс кошкизы ини. Со сяна, школаын дышетскисьёс асьсэ киосынызы открыткаос  тупато, гожтэтъёс гожъяло. Кезьыт окопъёсын пичи нылпилэн кылъёсыз но ӟеч  сӥзёнъёсыз  шундылэсь но юнгес  шунто. Кожалод, юрттэт вормонтэм ӧвӧл, нош оскон бадӟым сётэ.