Бадяр куарлэсь нуналзэ ку пусъё?

Яркыт буёлъёсын пиштӥсь бадяр куар – сӥзьыллэн одӥгез тодметэз. Нап-ӵуж, ӵуж-горд, ӵыж-горд, ӵуж-ӵуж тусо дӥськутъёссэ дӥся бадяр сӥзьыл. Со аспӧртэм кужымен бордаз кыске, кужымзэ сётэ кадь. Бадяр сярысь трос кылбуръёс гожтэмын, кырӟанъёс кылдытэмын, легендаос малпамын.

Бадяр, солэн кужымез, чебересь куаръёсыз сярысь туннэ вераськизы Татышлы ёросысь реабилитацияя центрын но. Татысь воспитатель Наиля Шафикова пиналъёс понна «Удивительный кленовый лист» ужрад дасяз. Нылпиос бадяр куаръёсты эскеризы. Собере соосты «набрызг» амалэн кагаз вылэ суредазы. Суредъёссы тунсыко но чебер пӧрмизы.

Фото: Филиал реабилитации с.Верхние Татышлы