Арлыдоослы 10 сюрс манет сётозы

Шаерысьтымы арлыдоосты спорт ӧре кыскон вылысь, кивалтэт ужаз пӧртэм амалъёс кутэ. Кылсярысь, ГТО-лэсь нормативъёссэ быдэстэмъёс 10 сюрс манет тыр сертификатлы кузё луыны быгато. Та муген висъяськем коньдонэз спорт секциосы лэзьыны луэ. Кылем арын вить сюрс пенсионеръёс ГТО сётон ужрадэ пыриськизы, соос пӧлысь 1400-лэсь тросэз  та выллем сертификатэн пайдаяськыны быгатӥзы. Туэ, кивалтэтлэн малпамезъя, 60 ареслэсь бадӟым арлыдоосты кык сюрс сертификатэн тырмытыны кулэ.