Уразгильдыослы шулдыр концерт кузьмазы

Сцена вылысен удмурт, бигер но башкир кырӟанъёс чузъяськизы. Соосты Выль Татышлыысь "Шулдыр ӝыт" калык ансамбль, Вылысь Татышлыысь "Умырзая" башкир калык фольклор ансамбль, "Науруз" бигер калык фольклор ансамбль быдэстӥзы. Со сяна, нимаз кырӟасьёс но трос чебересь гуръёссэс кисьтӥзы. Та нуналэ уразгильдыос соосын ӵош кырӟазы но эктӥзы.

Ужрадэз йылпумъяса Выль Татышлы гурт поселенилэн администрациеныз кивалтӥсь Николай Рахимьянов вераськиз. Со Райса но Виталий Султаншинъёсты Башкортостан Республикалэн тӧроезлэн Радий Хабировлэн нимыныз семья кылдытэмзы дырысен 50 ар тырмонэн ӟечкылаз.