Уфаын калыкъёслэн дӥськутсылы сӥзем флешмоб ортчоз

- Калык дӥськут калыклэн визитной карточкаез выллем луэ. Со калыклэсь историзэ, аспӧртэмлыксэ, лулпуш дуннезэ адӟытэ. Шумпотымон, туннэ адямиос вашкала дӥськутъёс борды берытско, - вера Башкортостанлэн тӧроез Радий Хабиров. -  Башкортостанын дауръёс ӵоже пӧртэм калыкъёс тупаса, огкылысь луыса уло. Соослэн эшлыко кусыпъёссы, ог-огзылэсь лулчеберетсэс гажамзы – республикамылэн валтӥсь узырлыкез, зол кужмыз. Асьмеос пӧртэмесь ке но, котьку ӵошен. Котьку озьы луоз.

Калык дӥськутлэн нуналэз улсын регионын пӧртэм ужрадъёс ортчо. Школаос, культура юртъёс, библиотекаос, нылпи садъёс но акциослэсь палэнэ уз кылё. Соос тунысо ужрадъёс дасян бордын тыршо ни.

Уфаын, кылсярысь, 13-тӥ куарусёнэ флешмоб ортчоз. Сое дася Башгосфилармония. Гоголь урамысь 58 номеро юрт азьын чебер хоровод кылдоз. Отчы 300-лэсь трос адями пӧртэм калык дӥськутъёсын вуоз.

Туспуктэм вылын : Янаул ёросысь Максим гуртысь "Зарни весь" но "Сэйлэн" ансамбльёсы ветлӥсьёс (кивалтӥсьсы Ильсияр Шарипова).