Башкортостан Республикалэн тӧроезлэн Радий Хабировлэн инаугурациез ортчиз

Отчы Россилэн Президентэзлэн Приволжск федерал округысь полномочной представителез Игорь Комаров, БР-ысь Быръёнъёсъя валтӥсь комиссилэн ёзчиосыз, Россия Федерацилэн сенаторъёсыз но Кун Думаысь депутатъёс, правительстволэн ёзчиосыз, город но ёрос администрациосын кивалтӥсьёс пыриськизы. Радий Хабиров калыклы быръёнъёсын куаразэс сётэмзы, Россилэн Президентэзлы Владимир Путинлы быръёнъёсы пыриськонэзлы дурбасьтэмез понна тау кариз.  Со сяна, Башкортостанлэн тӧроез нимысьтыз военной операцие пырисьёслы шуныт кылъёссэ вераз, вить ар куспын быдэстэм ужъёсын тодматӥз, азьланезлы ужпумъёс сярысь вераз.