Сюрес вылын кышкытлыкъёслэсь утиськоно

Кушнаренко ёросысь Ахметово школаын но одӥг нуналзэс сюрес вылын ветлон куронъёслы сӥзизы. Дышетскисьёс понна пӧртэм ужрадъёс радъяськизы. Нылпиос викторинаосын, пӧртэм шудонъёсын, конкурсъёсын быгатонлыкъёссэс возьматӥзы. Классэн кивалтӥсьёс дышетскисьёсын сюрес вылын кышкытлыкъёслэсь утиськон сярысь вераськизы, ПДД-ез тодазы ваизы. Светоотражательёс пумысен но вераськизы, уго соос пеймыт дыръя туж кулэ: пешеходъёс понна но, водительёс понна но.

- «Внимание – дети!» акция улсын ортчем «Единый день ПДД» ужрад пайдаё луэ, - вера Башкортостанысь сюрес вылын кышкытлыкъёслэсь утиськонъя кун инспектор Владимир Севастьянов. – Инспекторъёс школаосы вуыло, нылпиосын, дышетӥсьёсын, анай-атайёсын пумиськонъёс радъяло, ПДД сярысь верасько, сюрес вылын луэм кышкыт учыръёсын тодмато, пумиськонэ лыктэмъёслэн юанъёссылы валэктонъёс сёто. Со сяна, ПДД-лы сӥзем видеороликъёс учко. Таӵе ужрадъёс сюрес вылын сак луыны дышето.

 

 

Фото: МБОУ СОШ с.Ахметово МР Кушнаренковский район