Ӟеч йылолъёсты азинтыса

"Победа" ООО-ын ужасьёс понна кырӟась-эктӥсьёслэн бусые лыктэмзы паймымон луиз. Зэм, таӵе ужрад йылоллы пӧрме ни, кылем арын но соослы бусыын концерт возьматӥзы угось. Туэ концерт программаез культура юртын, библиотекаын ужасьёс, "Тюрагай" ансамбль дасязы. Кырӟан-эктонъёс бусы ужасьёслы сӥземын вал. "Ми ю-нянь будэтӥсьёслэсь мылкыдзэс ӝутыны малпамы, - вера Шудек гурт поселенилэн администрациеныз кивалтӥсь Сергей Байдуллин. -Ӟеч йылолмылэн пумыз медаз луы. Удмурт калык кемалась дырысен ужаны но,  шутэтскыны но быгатӥз. Соин ми туннэ ю-нянь будэтӥсьёсмы сюлмысь тыршемзы понна таӵе амалэн тау каримы". Агитбригада вуылӥз "Колхоз Восток" СПК-ысь ужасьёс доры но. Татысь "Югдон" ансамбль ю-нянь октӥсьёслы ӧжытлы ке но секыт ужзы сярысь вунэтыны дыр сётӥз.