Кышкытлыкъёсты котыр ортчыны дышетскизы

Туннэ нуналэ нылпиос гинэ ӧвӧл, арлыдоос но Интернеттэк улыны уг быгато шуид ке, уд янгыша, дыр. Угось туала улон телефонэн но компьютерен юн герӟаськемын. Вань кулэ луись информацияез Интернетысь капчиен шедьтыны луымон. Нош со вакытэ ик та выллем туала луонлыкъёс трос сюлмаськонъёс ваё. Кылсярысь, берло дыре Интернет вотэсын трос мошенникъёс «ужало», оскись адямиос вылын коньдон потто. Соин Интернет дуннее пырыку, отын кылдӥсь кышкытлыкъёслэсь утиськыны быгатыны кулэ. Со сярысь вераськизы ужрадэ люкаськемъёс. Гуртысьтызы культорганизатор Л.В. Атнафикова соосты тодматӥз компьютерлэн но Интернетлэн кылдэм сюресэныз. Со сяна, та нуналэ нылпиос пыр-поч эскеризы Интернет вотэсысь кышкытлыкъёсты, дышетскизы соосты котыр ортчыны. Ужрадзы тунсыко но пайдаё пӧрмиз, пиналъёслы трос тодон-валан сётӥз.

Фото: Мамадинский сельский клуб Бураевского района