Быръён участокъёс кыкетӥ нуналэ ужзэс йылпумъязы

Шутэтскон нуналэ отчы трос калык вуиз. Татышлы ёросысь Выль Татышлыысь Ксения Милиятова быръёнэ нырысетӥ нуналэ ик быдэс семьяеныз вуиз ке но, сое туннэ но отысь пумитаны луиз. БР-ысь удмуртъёслэн историяя но культурая центрысьтызы методист блогер-наблюдатель луэ угось. Ксения Викторовна кык нунал ӵоже ни 2954 номеро участковой избирательной комиссилэн уженыз тодматэ. «Быръёнэ Семьялэн араз, Йӧскалык костюмлэн нуналэз азьын удмурт калык дӥськутэнымы вуимы», - гожтэ со.

Татышлы ёросын нырысетӥ нуналэ бырйисьёслэн 40 процентэз куаразэ сётӥз. Матысь дыре тодомы, кӧня калык вуиз быръён участокъёсы кыкетӥ нуналэ.