+24 °С
Зоръёслэн
Общество
5 Куарусён 2024, 17:31
Нылпиос пичиысен анай кылзэс гажаны дышетско
Аслэсьтыд выжыдэ, анай кылдэ тодытэк но гажатэк улон сюрестӥ вамыштыны секыт луоз. Угось анай кылысен кутске адямилэн улонэз, ас калыкезлэн сым-йылолъёсыныз пыӵамын луэ улонэз.
Нылпиос пичиысен анай кылзэс гажаны дышетско
Вордскем кылэз, сям-йылолъёсты но калыклэсь ортчем сюрессэ нылпиос пичиысен тодыса но валаса будыны кулэ.Калтасы ёросысь Бадӟым Качак гуртысь «Кизили» нылпи садын ужасьёс визьноданлэсь радлыксэ умой валало. Кылсярысь, туэ нылпи садын нимысьтыз шаертодонъя сэрег лэсьтӥзы. Татысь визьнодасьлэн О.И. Камалитдиновалэн кичӧлтэмезъя, вакчи дыр куспын пичи музей кылдӥз. Оксана Ильтимировналэн кылъёсызъя, нылпиос мылысь-кыдысь тодматско удмурт калыклэн кутӥськон арбериосыныз, котькуд экспонатэз киосазы басьтыса учко, кулэлыксэс валэктыны тыршо.
