Шаермес утисез медален пусйизы

Янаул ёросысь Вуж Варашысь Сергей Ш. кылем арын инвожо толэзе Россиысь Обороная министерствоен контракт гожтыса, СВО-е мынӥз. Кызьы гожтэ вк вотэс бамаз Янаул ёрос администрациен кивалтӥсь Салават Гильмиев, со Миннигали Губайдуллин нимо башкир батальонысь ожгарчиослэн радазы шедиз. Ассэ Сергей кышкасьтэмен, кылкутӥсен возьматӥз. Туэ южтолэзе, ожмаськон мыныку, асьмелэнъёслэн - эмъюрттэт возьматӥсьёслэн – машиназы блокироваться карем. Сергей ӝегатскытэк соос доры бызем, юрттэт возьматэм. Озьы эмчиос улэп кылиллям. Нош Сергей Ш. сӧсырмем: йыраз ранение басьтэменыз, йырсазьзэ ыштэм. Нош госпитальысен со валам, сое утялто мозмытэм эмчиосыз шуыса.

Туннэ Сергей дораз тазалыксэ кыдатэ ке но, малпанъёсыныз со котьку эшъёсыз вӧзын передовойын. Бурмытскыса со «аслазъёсыз» доры СВО-е мыныны малпа. Та нуналъёсы кышкасьтэм улосчимес «За отвагу» медален пусйизы.

- Улосчимы ас улонэз сярысь малпаськытэк, мукетъёслы юрттэт возьматӥз. Солэн та вамышез вордскем шаерзэ гажамзэ, мукетъёслы котьку юрттэт возьматыны дась луэмзэ адӟытэ. Ми соин данъяськиськом, - гожтэ С. Гильмиев.

Фото: соцсети Салават Гильмиев