Библиотекаын ужасьёс шудонэ пыриськизы

Со квест амалэн радъяськиз. Ужрадэ пыриськисьёс ньыль командаослы люкиськыса пӧртэм станциос пыр потӥзы. Кылсярысь, нырысетӥез станция «Выразительное чтение» нимаськиз. Отын произведениысь одӥг люкетсэ вольыт лыдӟоно вал. Кыкетӥ станциын произведенилэсь авторзэ но нимзэ тодоно луиз. Командаос огъя куать станциос пыр потэмзы бере, спорт эстафетаын кужымзэс эскеризы. Ужрад чай юонэн йылпумъяськиз.

Фото: Янаульская центральная районная библиотека