Удмурт Шагиртын Инмарлы вазиськизы

Та нуналэ, нимысьтыз военной операцие пыриськись ожгарчиос понна тазалык курыса, гуртысь калык Инмарлы вазиськиз. Бадӟым но кулэ луись ужрадэз ортчытыны гуртоос пумит ӧз луэ. Вуж Шагиртысь школаен кивалтӥсьлэн А.М. Надыровалэн но татысь ик «Инвожо» ансамбльлэн кивалтӥсезлэн Л.В. Гильзатовалэн кичӧлтэмзыя, ас вакытаз вунэм вӧсез выльысь ӝутыны быгатӥзы. Л. Зартинов, Г. Гаязов, Л. Гильзатов, Р. Бактиев, М. Газиев, С. Куснимарданов,  В. Байрамшин, В. Чужеков Инмарлы ӟеч кылъёсын вазиськизы. Озьы ик Удмурт Шагиртысь кышномуртъёс Р.Михайлова,Г. Касфатова, Э. Гайдулина вӧсез ортчытыны юрттӥзы. Нош С. Мухамадельшин ӝукез пӧзьтыны сӥль сётӥз. Озьыен, Удмурт но Вуж Шагиртысь калык бадӟым ужрад ортчытӥзы. Тыршемзы огшорылы медаз луы вылэм, Инмар одно ик вазиськемзэс мед  кылоз.

Фото: Старошагиртский дом культуры