+28 °С
Салкым
Общество
29 августэ 2024, 17:52
Чакара гурезь котыр улослэсь чеберлыксэ усьтӥз
Август гужем толэзен лыдъяське ке но, сӥзьыл ассэ нуналысь нуналэ яркытгес возьматэ. Писпуослэн куаръёссы каллен ӵуж-горд буёлъёсын гочатыны кутско. Таӵе вакытэ мылкыд кыре куриське. Поръясь куаръёс улын бызьылэм, шудэм потэ.
Чакара гурезь котыр улослэсь чеберлыксэ усьтӥз
Калтасы ёросысь Бадӟым Качак гуртысь нылпиос но инкуазьлэсь чебер вакытсэ шӧдӥзы, лэся. Соос культура юртын ужасьёсын ӵош велосипедэн Чакара гурезе тубизы. Нош татысен Бадӟым Качак гурт поселение кырым пыдэсын выллем адске. Юосын тырмем бусыос, ӵужектыны кутскем писпуос, гуртъёсысь шуръёс син азе чебер суредэн пуксё. Нылпиос но паймыса учкизы котыр улосэз, соос но валазы но шӧдӥзы чеберлыкез. Сюрессы капчи ӧз луы. Ӝужыт гурезь йылэ тубыны секыт вылэм. Озьы ке но, мылкыдзы чик ӧз ышы. Гуртазы пиналъёс шумпотыса, трос шудо тодэ ваёнъёсын берытскизы.
