Балтач ёрос вордскем нуналзэ пусйиз

Балтач ёросын пӧртэм калыкъёс тупаса уло. Ужрадын калык лулчеберетэн тодматскыны луиз. Удмурт калыклэсь культуразэ возьматӥзы Асавка гуртын улӥсьёс.

- Туннэ ми понна аспӧртэм нунал, ёросамы бадӟым ужрадъёс ортчо. Ми доры куное вуизы республикаысь тазалыкез утёнъя министрлэн нырысетӥ воштӥсез  Гульнара Зиннурова но улосчимы,  «СЗ ИСК г. Уфы» АО-лэн гендиректорез Марат Васимов, - гожтэ вотэс бамаз Балтач ёрос администрациен кивалтӥсь Ильгиз Субушев. –94 ар талэсь азьло Балтач ёрос сюрессэ мукет ӧръя азинтӥз. Ёросмылэн историез туж узыр. Бадӟым тау ваньзылы, кин ёрослэн азинскон сюресаз аслэсьтыз люкетсэ пыртӥз но пыртэ, ӟеч вуономы сярысь сюлмаськыса улэ но ужа.