Гужемлэн берло нуналъёсыз пайдаё ортчо

Кылсярысь, та нуналъёсы Янаул ёросысь Каймашабашысь нылпиос культура юртын ужасьёсын ӵош «Моя малая родина» экскурсияе потазы. Ужрадэ пыриськемзы огшорылы ӧз луы, угось пиналъёс вордскем гуртсы, вӧзысьтыз возьёссы но бусыоссы, нюкъёссы но нюлэсъёссы сярысь трос выльзэ тодӥзы. Со сяна, гуртысьтызы библиотекарь Ольга Садриева нылпиос понна пӧртэм тунсыко шудонъёс дасяз. Пиналъёс мылысь-кыдысь бызьылӥзы, тэтчазы, серекъязы. Экскурсиязэс  йылпумъяса, нылпиос зэмос ӝӧк вӧлдӥзы: пӧртэм емышъёсын но сьӧразы басьтэм сиён-юонъёсын кӧтсэс тыризы.

Фото: Каймашабашский сельский клуб