Нылпи эшъяськыса азинтӥське

Эшъёсын ӵош шудыса ортчытэм вакытэз номырин уд вошты. Угось нылпи эшъяськыса азинтӥське, котыры дуннеез умойгес валаны но шӧдыны дышетске.  Бадӟым Качакын тужгес но гужем пиналъёслэн шудыса серекъям куараоссы бер ӝыт гинэ чалмытско. Нылпиос велосипедэн вортыло, самокатэн ширъяло. Озьы ик пиналъёс, эшъёсынызы люкаськыса, кыре потаны ярато. Та нуналъёсы соос гуртысьтызы культура удысыны ужасьёсын  ӵош котыр инкуазен тодматскыны ветлӥзы. Пиналъёс быдэс нунал сямен бызьылӥзы, шудӥзы, серекъязы. Та нуналэз соос кема гинэ тодазы ваёзы на. Угось ужрадзы тодэ вайымон луиз.

Фото: Большекачаковский Сдк