+22 °С
Зоръёслэн
Общество
22 августэ 2024, 15:35
Татышлы ёросысь удмурт гуртъёсы йӧскалык политикая министр вуылӥз
Татышлы ёросысь удмурт гуртъёсы – Улысь Балтаче но Выль Татышлые – ёрос администрациен кивалтӥсь Ф. Р. Шайхисламовен ӵош Удмурт Элькунысь йӧскалык политикая министр Э. С. Петров вуылӥз.
Татышлы ёросысь удмурт гуртъёсы йӧскалык политикая министр вуылӥз
Улысь Балтачын со школаен тодматскиз. Кылем арын сое «Модернизация школьных систем образования» программая тупатӥзы. Эдуард Степанович татысь воштӥськонъёсты адӟыса шумпотэмзэ вераз. Уго гуртысь тодон-валан юрт табере тодмантэм выльдӥськем.
Выль Татышлыын соос школае но культура юртэ пыразы. Министр школаысь пиналъёсын, дышетӥсьёсын пумиськылӥз, татын анай кылэз дышетон сярысь вераськиз. Нош культура юртын (татчы интыяськемын удмуртъёслэн историяя но культурая центрзы) со тупатӥськон ужъёслэн азинтӥськеменызы тодматскиз.
