«Усточикар» лагерь ужзэ йылпумъяз

Та вакытэ Татышлы ёросын «Усточикар» лагерь ужа. Туэ со, кылем арын сямен ик, 21 нунал радъяськиз. Лагерь нырысьсэ БР-лэн тӧроезлэн грантэз чотын ортчиз. Туэ куазен туж ӧз удалты ке но, лагерь улон шулдыр луиз. Пиналъёс 21 нунал куспын трос вылезлы дышетскизы: пӧртэм киужъёсын выризы, кырӟазы, эктӥзы но мукет. Соослы лагере вуэмзы но анай кылзэс, калык культуразэс утьыны тыршемзы понна сюлмысь тау карон кылъёссэс веразы Татышлы ёрос администрациен кивалтӥсь Ф. Р. Шайхисламов, Удмурт Элькунысь йӧскалык политикая министр Э. С. Петров но мукетъёс. Соос лагерьлэсь арысь аре пайдаё ортчемзэ но трос пиналъёслэн сюлмазы вунэтонтэм пытьы кельтэмзэ пусйизы. Лагерез йылпумъян ужрадын нылпиос 21 нунал куспын лэсьтэм ужзэс яркыт возьматӥзы.