+28 °С
Салкым
Общество
20 августэ 2024, 18:16
Калтасы ёросын 2766 удмуртъёс уло
Башкортостан Республикаысь Калтасы ёросын тямыс удмурт гуртъёс лыдъясько. Та музъем вылын тросгес поръёс уло ке но, удмуртлык но татын умой шӧдӥське.
Калтасы ёросын 2766 удмуртъёс уло
Туннэ, 20-тӥ августэ, Калтасы ёрос вордскем нуналзэ пусъе. 1930-тӥ арын кылдэм ёрос ын туннэ нуналэ 79 гуртъёс лыдъясько, отын 24,3 сюрс адямиос уло. Ёрослэн быдӟалаез 1548,35 квадрат метрлы ӵоша. Калтасы ёросын пӧртэм калыкъёс уло. Соос ог-огенызы тупаса но ог-огзэс валаса вордскем музъемзэс нуналысь нуналэ чебергес но узыргес карыны тыршо.
Туннэ нуналэ Калтасы ёросын 2766 удмуртъёс лыдъясько. Калыкмылэн кырӟан-эктонъёсыз, сям-йылолъёсыз ёросысь котькуд ужрадэз чеберто. Нош Вылысь Тыхтемысь «Ингур» но Бадӟым Качакысь «Зангари» коллективъёс калык ансамбль нимез нулло.
