Нылъёс удмурт дэрем вуро

«Усточикарын» кинъёс шыпыт ужало, шуоды. Суредаськисьёс но вуриськисьёс. Татын котькуд пинал аслаз киужаз «выемын».

Вуриськисьёсын ужа Алнашысь Галина Пчеловодова. Солэн аслаз ательеез вань. Со удмурт дэремъёс вуре. «Усточикар» смена куспын нылъёсын удмурт  дэрем вурыны дышетскомы», - шуиз вал пумиськыкумы вуриськонъя ӧнерчи. Та нуналъёсы соослэн малпанзы быдэсмиз. Нылъёс удмурт стилизованной дэрем вуронъя мастер-классэ пыриськизы, мертан, басмаез вандон, дэрем вурон амалъёсын тодматскизы.

Г. Пчеловодова вуриськисьлы Кварсаын дышетскем. Собере Ижевскысь 28-тӥ номеро лицейын дышетскыса, закройщицалы диплом басьтэм. «Мамаелэн монэ усто вуриськисен адӟемез потэ вал. Солэн ӵектэмезъя дышетски, шуыны луоз, - вера Г. Пчеловодова. – Дышетскем ӧнерея нырысь ӧй ужа. Ижевскысь сельхозакадемиын бухгалтерлы дышетски». Та ужезлы со улонэзлэсь 13 арзэ сӥзем. Берло лыдпусъёс акыльтӥллям. Озьы вуриськон борды басьтӥськем. Табере  Г. Пчеловодова котькуд дэремез борды сюлэм шунытсэ понэ. Лякыт сямо кышномурт вуриськыны мылкыд карем нылъёсын капчиен огкыл шедьтэ. Нылъёсты со ушъя, тыршись луэмзэс пусъе. Солэн пиналъёслы вань тодон-валанзэ сётэмез потэ. 

Фото:Детский лагерь им. Комарова