Чиндэрын егитъёслэн «Мерас» фестиваль-конкурссы ортчиз

Отчы кузёослэн Бадӟым Качакысь командазы, Янаул ёросысь Вуж Варашысь но Ижевскысь егитъёс пыриськыны мылкыд каризы. Ужрадэз дасясьёс соослэсь пӧртэм ласянь быгатонлыксэс эскеризы. Егитъёс, кылсярысь, пужыятӥськизы, веник керттӥзы, шыд пӧзьтӥзы, карнанэн ву ваизы, пу пильылӥзы но мукет. Нош пиос армрестлингын но кужымзэс эскеризы. Куазь зоро к е но улӥз, со егитъёслэсь ӝутскем мылкыдзэс ӧз быдты.

Конкурсын кузёослы вуисьёс ӧз луэ. Кыкетӥ интые потӥзы Вуж Варашысь егитъёс, куинетӥе – Удмуртиысь куноос.