Ю тысез октыны куазь эрик мед сётоз

Туэ гужем куазь шундыё нуналъёсыныз уг шумпотты. Озьы ке но, гурт хозяйствоос бусыосы потӥзы ини.Таӵе дыръя шулдыр нуналлэн котькуд минутэз зарнилы ӵоша. Калтасы ёрос администрациен кивалтӥсьлэн гурт хозяйствоя  воштӥсезлэн Альберт Хамидуллинлэн кылъёсызъя, туннэ нуналэ ёросын ю-нянь октон ужъёс вань кужмысь мыно. Кылсярысь, «Восход» СХК бусыосы куинь комбайнъёссэ поттӥз. Соослэн кужыменызы 250 гектарысь ӟег октэмын. «Победа» ООО-ын ужасьёс 65 гектарысь йыды кутсазы. Жаляса верано, туж ӵем зоръёс луэмен, ю тысь кот бертэ, соин ик сое зерносушилкаосын куасьтоно луэ.

Туэ Калтасы ёросын гурт хозяйствоос ваньзэ 15161 гектарысь ю тысь октозы. Соос оско: будэтэм ю-нянь бусыосы уз кыльы, ваньзэ октыны кужымзы тырмоз, куазь но эрик сётоз.

Фото: газета «Калтасинская заря»