Янаулын чечылы сӥзем праздник ортчиз

Туэ куазь мушъёслы чечы дасяны ӧз лэзьы. Соин ческыт сиёнэз басьтыны мылкыд карисьёс трос люкаськизы. Ужрад усьтӥськем бере ик куд-ог вузкарисьёслэн чечыен флягаоссы бушазы. Чечы сяна, муш утисьёс та нуналэ прополис, соты но мукет мушен герӟаськем макеоссэс возьматӥзы.

Ярмаркае Янаул ёрос администрациен кивалтӥсь Салават Гильмиев но Башкортсотан Республикаысь Госсобрание-Курултайысь депутат Ильшат Вазигатов пыриськизы. Та нуналэ соос тужгес но усто муш утисьёсты Дипломъёсын но коньдонэн пусйизы.

Ярмаркае удмурт гуртъёсысь муш утисьёс но пыриськизы. Кылсярысь, Вылысь Барабановкаысь Альфред Файзуллин «Разнообразие ассортимента продукции пчеловодства» номинациын вормисе потӥз, нош Орловкаысь Фаат Закирзянов «Сохранение традиций» номинациын кужмо луиз.

Фото: газета  «Янаульские зори»