СВО-ысь ожгарчиос тазалыксэс юнматыны быгатозы

СВО-ын сӧсыр луэм ожгарчиос семьяеныз ӵош республикаысь санаториосын тазалыксэс юнматыны быгато. Кылсярысь, туэ та выллем юрттэт сётонлы 100 миллион манет висъямын. Озьыен, та коньдонлы нимысьтыз военной операцие пыриськисьёслы но соослэн семьяоссылы  Башкортостанысь 15 санаториосын шутэтскыны но тазалыксэс кыдатыны луонлык кылдэмын.

Гафури ёросысь «Красноусольск» санаторий но шаермес утисьёсты шумпотыса пумита. Туннэ нуналэ татын 103 нимысьтыз военной операцие пыриськисьёс но соослэн  414  матысьёссы тазалыксэс юнматыны быгатӥзы.

Со сяна, «Красноусольск» санаториысь ӧнерчиос СВО кутскем дырысен шаерысьтымы ожгарчиослы гуманитарной юрттэт люкало. Кык ар куспын татын ужасьёс ож бусыосы кык УАЗ, бензин генератор, инструментъёс но мукет кулэ луись макеос лэзизы.

Фото: газета «Калтасинская заря»