Шаермес утисьёс юрттэтмес мед шӧдозы

Шаермес утисьёслы юрттэт возьматон борды котькуд мылкыд карись басьтӥське: калык масксеткаос, веникъёс керттэ, сиён-юонэн, нуналлы быдэ кулэ луись арбериосын, эмъюмъёсын юрттэ. Шумпотоно, нылпиос но ӟеч ужлэсь палэнэ уг кылё. Кызьы пусъё отпуске бертэм пиос, школаысь вуэм гожтэтъёс шаермес утисьёслы ож лудын кужым сёто, ӟечезлы, вормонлы осконзэс будэто.

12-тӥ августэ Татышлы ёрос гумконвой келяз. «Нимысьтыз военной операцие пыриськисьёслы юрттэмзы понна ваньзылы тау кылъёсме верасько, - гожтэ вотэс бамаз Татышлы ёрос администрациен кивалтӥсь Фанур Шайхисламов. – Бадӟым тау ожгарчиослы кужмо, оскымон луэмзы понна. Вордскем шаерзылэсь палэнын луыса, соос азязы пуктэм ужпумъёссэс кышкатэк быдэсъяло».

Фото: Администрация Татышлинского района