Ёросысь подъездъёс выльдӥськизы

Калтасы ёросын но капремонтэн герӟаськем республика программа улсын Калтасыысь, Краснохолмскийысь но Кутеремысь 20 трос квартираен коркаосысь 43 подъездъёс выль улонэн шокчизы. Программае шедем коркаосысь пырон но тамбур ӧсъёсты воштӥзы, нырысетӥ этажысь выжъёсты керамика плиткаосын шобыртӥзы, пластик укноос пуктӥзы, газет-журнал понон  ящикъёсты, светильникъёсты выльдӥзы, аръёсын сьӧдэктэм борддоръёсты  яркыт буёлъёсын чебертӥзы. Со сяна, куд-ог коркаосысь борддоръёсты ёросысь суредаськисьёс паймымон выжыкыл дуннелы пӧрмытӥзы. Выльдэм подъездъёсын коркаос чебергес, югытгес луизы. Татын улӥсьёс шумпотонзэс уг вато, таӵе ужез быдэстӥсьёслы тау кылъёссэс верало.

Фото: газета «Калтасинская заря».