Нефтекамскысь пиосмурт ӵуказеяз валаз, мошенникъёслы коньдон кузьмамез сярысь.

Нефтекамскысь 47 аресъем пиосмурт ӵуказеяз валаз, толон мошенникъёслы коньдон кузьмамез сярысь. Солы «банкысь менеджер» жингыртэм, счётысьтыз коньдонзэ пӧяськисьёс басьтыны туртто шуыса. Пиосмурт пӧечилы оскыса, люкам 500 сюрс манетсэ мукет счётэ выжтэм. Со сяна, со одӥг миллион манет тыр кредит басьтэм. Сое пӧямзы сярысь пиосмурт одӥг нунал ортчыса валам, куке солы сыӵе ик схемая банкысь мукетыз ӧнерчи жингыртэм. 

- Аферистъёс котькинлы жингыртыны быгато. Ӵем дыръя соос иворто, счётысьтыды коньдондэс выжтыны туртто яке тӥляд нимады кредит басьтыны выро шуыса. Берло дыре соос матысьёстылэн, эшъёстылэн нимынызы «пайдаясько», юрттэт курыса смс гожто, - верало полициын ужасьёс. – Сыӵе дыръя матысьёслы вазиськоно. Коньдондэс выжтыны эн дыртэ».

Башкортостанысь Нацбанк но сак кариськыны куре. Пӧечиос Госуслуги но Центробанкын ужасьёслэн нимынызы но жингыро. Соос бадӟым процентэн накоплениос сярысь верало. Банкын ужасьёс тодады вайыто: нокыӵе банк, клиентъёсызлы жингыртыса, соослэсь персональной даннойёссэс уг куры, коньдонзэс но мукет счётэ выжтыны уг ӵекты. Юанъёсты кылдыку асьтэлэн банкады жингыртыны быгатӥськоды.