Гурт калыклы юрттэт возьматозы

Гурт калык вашкала дырысен пудо вордыса, солэсь коньдон поттыса улӥз. Куддыр гуртын улӥсьёс сӥль, йӧл но вӧй вузаса гинэ ваньбур каро. Нош туэ, гужем зоро луэмен, Башкортостан Республикаысь куд-ог ёросъёсын воксё турын дасяны ӧз быгатэ. Соин зоръёсын сэрен секыт югдуре шедем гурт калыклы республикамылэн тӧроез Радий Хабиров юрттэт возьматыны косӥз. «Туэ гужем зоръёслы узыр луиз. Трос интыосын калык турын дасяны ӧз быгаты. Соослы али ӧд юртты ке, калык пудооссэ быдтоз», - шуиз Радий Хабиров правительстволэн ЦУР-ын ортчись опреративной совещанияз.

Республикалэн тӧроез ёросъёсын кивалтӥсьёсты кылдэм югдурез пыр-поч эскерыны косӥз. Гурт хозяйствоя министр Ильшат Фазрахманов но та уж борды басьтӥськоз. Турын дасяны быгатытэк секыт югдуре шедем гурт калыклы вуоно дыре юрттэт сётон сярысь ужпумъёс быдэстэмын луозы.

Источник: ИА «Башинформ»