Мед улозы сям-йылолъёсмы

Туала егитъёс медаз вунэтэ выжыоссэс, даурысен дауре потӥсь сям-йылолъёсты шуыса, Бурай ёросысь Алтау гуртысь библиотекаын "Выль нянь" йылоллы сӥзем ужрад ортчиз. Библиотекарь М.Г. Гафутдинова  нылпиослы историяя час радъяз. Та нуналэ ужрадэ люкаськем пиналъёс трос выльзэ но тунсыкозэ тодӥзы. Нылпиос мылысь-кыдысь кылзӥзы кызьы нянь ӝӧк вылэ вуэ, кытысь пызь кылдэ но кыӵе пыжем-пӧзьтэм пӧраны луэ ю тысьлэсь.

Угось вашкалаос выль юэз шумпотыса октӥзы. Август толэзе нырысетӥ ю тысьлэсь ӝук пӧзьтозы, нянь пыжозы вал. Пӧрам сиён-юонъёсынызы трос куноосты утялтӥзы. Туннэ нуналозь но та выллем йылол возиське на. Калыкмы али но сюлмысь шумпотэ удалтэм ю-няньлы. Нылпиослы но пыӵамын мед луоз таӵе мылкыд, медаз вунэ йылолъёсмы.

Фото: Алтаевская сельская библиотека