Можгаын «Выль» шулдыръяськон ортчиз

Туэ со кызетӥ ползэ радъяськиз. Кӧня ке ар ӵоже ни отчы Башкортостанысь батыръёс но кырӟасьёс пырисько.  

Шулдыръяськонэ люкаськем калыкез Удмурт Элькунысь, Киров улосвылысь, Башкортостанысь ансамбльёс шулдыртӥзы. Татын башкир удмуртъёслэсь шулдыр гуръёссэс Татышлы ёросысь Вязовкаысь «Уӵы ныл» ансамбль кисьтӥз. Пичи пиналъёс понна но нимысьтыз площадкаос дасямын вал. Тросэз шумпотыса пыриськизы «Шудом! Будом! Ужалом!» ужрадэ. Татын нылпиос вашкала удмурт шудонъёсын тодматскизы. Со куспын шутэтскон парклэн стадионаз батыръёс пӧлын «Выль кужым — Байге» ӵошатскон радъяськиз. Татын кужымзэс мертасьёс пӧлын Татышлы ёросысь батыръёс но луизы. Соос 50 килограммъем мешокез нуллӥзы, турынэн рулонъёсты питыръязы, корез кысказы, пуклё лэзьязы. Вормись луиз Можгалэн командаез. Башкортостанысь команда куинетӥ интыен бертӥз.