Башкортостанысь егитъёс "Мерас" фестиваль-конкурсэ пыриськыны быгатозы

Отын соос «Дэмен» огазеяськонзэс кылдытӥзы. Со Ижевскысь Камсьӧр удмуртъёслэн огазеяськонзылэн бурдэз улын ужалоз. Соин А. Н. Бекташева кивалтэ.

Камсьӧр егитъёслэн нырысетӥ бадӟым ужрадзы 17-тӥ августэ ортчоз. «Мерас» регионъёс куспысь фестиваль-конкурс Калтасы ёросысь Чиндэрын радъяськоз. Отын егитъёслэсь пӧртэм ласянь быгатолыксэс эскерозы. Соос веник керттозы, ӝук пӧзьтозы, гозы кыскалозы но мукет. Фестиваль-конкурсэ Башкортостанысь удмурт гуртъёсысь командаос но пыриськыны быгато. Команда 6-8 адямилэсь сылыны кулэ.