Котькуд ар куинетӥ августэ Арбузлэн нуналэз пусйиське

Историяез пыр-поч эскерид ке, арбузэн калык вашкала дырысен пайдаяське ини. Кылсярысь, Вашкала Египетын асьмелэн эралэсь азьвыл XX даурын арбузэс фараонъёслэн гробницаосазы тыриллям. Со сяна, тодосчиос  ческыт емыш сярысь вашкала папирусъёсысь, гробницаослэн борддоръёсысьтызы гожъямъёсты шедьтылӥллям.

Туннэ нуналэ арбузэс тужгес но трос Китайын будэто. Нош Россиын 2011-тӥ арын, интеллектуальной собственностья Федерал службае вазиськон сётыса, Соль-Илецк «Арбузная столица России» статус басьтӥз.

Арбузэс нылпиос но, арлыдоос но ярато. Соин Бурай ёросысь Мамадыысь клубын та нуналлы саклык висъязы. Гуртысьтызы нылпиос «Весёлый арбузик» шудонэ пыриськизы. Гуртысьтызы культорганизатор Л.В. Атнафикова пиналъёслы арбуз сярысь тунсыко учыръёс вераз, солэн историяеныз тодматӥз. Нош ужрадзэс йылпумъяса, ужрадэ люкаськемъёс ческыт арбузэн кунояськизы.

Фото: Мамадинский сельский клуб Бураевского района