Выль ю-нянез сӥлы карыса

Арлы быдэ кыкетӥ августэ удмурт калык выль ю тысьлэсь нянь пыжыса, ӝук пӧзьтыса йылолэз ортчытэ. Вашкала дыръя, ю-нянь мед удалтоз, ю тысез октыны, куасьтыны ӟеч куазьёссэ мед сётоз шуыса, корка пушкысь тужгес но арлыдоез пӧзьтэм ӝукен Инмарлы вазиськылӥз. Туннэ нуналэ но йылол удмурт калык пӧлын возиське. Гуртъёсын та йылолэз сӥлы карыса пыжисько, чай юыны куно ӧтё.

Песяй-песятайёсмылэсь сям-йылолъёссэс тодазы вайыса, Мамады гуртысь калык клубазы «Выль нянь» — «Праздник нового урожая» фольклор празднике люкаськиз. Кышномуртъёс ческыт пыжиськемъёсын вуизы, татын ӝук но пӧзьтӥзы, соин Инмарлы вазиськизы.Ужрадзы шулдыр кырӟан-эктонъёсын йылпумъяськиз. Гуртысь калык гужем ужъёслэсь шутэтскиз, вакытсэ шулдыр ортчытӥз.

Фото: Мамадинский сельский клуб Бураевского района