Арлыдоослэн спартакиадазы куинь нунал кыстӥськиз

Со арлыдоослы тазалыксэс кыдатыны, эшлыко кусыпъёссэс юнматыны юрттэ. Соин республикамылэн тӧроез Радий Хабиров но солы трос саклык висъя.

Республикаын арлы быдэ пенсионеръёс пӧлын спартакиада ортче. Туэ со укмысэтӥ ползэ радъяськиз. Пенсионеръёс Нефтекамске люкаськизы. Спартакиада куинь нунал кыстӥськиз. Отын республикаысь 25 команда понна ӵошатскисьёс спортлэн тямыс видэзъя кужымзэс эскеризы. Соос ӝӧквыл теннисэн, шахматэн шудӥзы, уязы, ыбылӥськизы, бызьылӥзы но мукет. Уясьёслэн ӵошатсконзы, кылсярысь, нырысьсэ «Амфибия» физкультурно-оздоровительной комплексын ортчиз.

«Асьмелэн валтӥсь ужпуммы – арлыдоослэн тазалыксы сярысь сюлмаськон но республикаын спортэз азинтон», - пусйиз Башкортостан Республикаысь спортъя министр Руслан Хабибов.

Спартакиадае пыриськисьёс пӧлысь тужгес кужмоосыз куарусён толэзе выльысь кужымзэс эскерозы. Зэм, табере соос Россиысь пенсионеръёс пӧлын Башкортостанысь командалэсь данзэ утёзы. Ӵошатскон Кемеровоын ортчоз.

Спартакиада сярысь пыр-почгес лыдӟе газетмылэн вуоно номерысьтыз.