Пӧяськисьёслы оскисьёслэн лыдзы йылэ

Пумиськон интернет, телефон пыр пӧяськисьёсын нюръяськонлы, сюрес вылын кышкытлыклэсь утиськонлы сӥземын вал. ГИБДД-ын ужасьёслэн верамзыя, пӧяськисьёслэсь утиськон понна трос ужъёс нуисько ке но, ёросын, республикаын улӥсьёс нуналысь нуналэ курике шедё.  Янгышамзы сярысь соос трос коньдонзэс ыштэмзы бере гинэ валало.

Башкортостанын улӥсьёс кылем арын 3 млрд 22 млн манет коньдонзэс пӧяськисьёслы келязы. Нош туэ палар куспын та лыдпус 1 млрд 900 млн манет луиз ни. Жаляса верано, югдур уг воштӥськы. Пӧяськисьёслы оскисьёслэн лыдзы нуналысь нуналэ йылэ. Таӵе янгышлэсь утиськон понна котькудмылы сак кариськоно, тодмотэм адямиослы  осконо ӧвӧл.