Кивалтӥсь СВО-е пыриськисьлэн семьяеныз пумиськылӥз

Отын со Багаутдиновъёслэн семьяеныз пумиськиз, сюлмаськытӥсь юанъёслы валэктонъёс сётӥз. Валентина Гатифовналэн но Рашид Тауфиковичлэн пизы нимысьтыз военной операцие пыриське. «Тӥ зэмос героез будэтӥды. Пидылы шаермес утён но сое яратон мылкыд пыӵатыны быгатӥды. Тӥледлы юн тазалык, капчи мылкыд но ваньзэ умойзэ сӥзисько. Анай яратонды пидэс мед утёз, - вераз Ильгиз Ахвасович. – Тодӥсько, али «Бага» госпитальын эмъяське. Со ӝоггес мед веськалоз но асьмелэн вань пиосмылы вормонэн доразы берытскыны сӥзисько. Нош тӥледыз, Валентина Гатифовна, чебер юбилееныды ӟечкыласько».  

Туспуктэм: Ильгиз Субушев